12 C
Ahmedabad
Monday, January 24, 2022
spot_imgspot_img

Latest Posts

ગંગા નદીમાં મૃતદેહોને ફેંકી દેવા એ કોરોના પ્રોટોકોલનું ઘોર ઉલ્લંઘન

  • ગંગા નદીમાં મૃતદેહોને ફેંકવા એ કોરોના પ્રોટોકોલનું ઘોર ઉલ્લંઘન
  • ગંગા કિનારાનાં ગામના લોકોમાં પણ સંક્રમણનું વધી રહ્યું છે જોખમ
  • ઉત્તરપ્રદેશના ઉન્નાવમાંથી ગંગાના કિનારે રેતીમાં દફન કરેલા મૃતદેહો મળ્યા
  • માનવ અધિકાર પંચે કેન્દ્ર, બિહાર, ઉત્તરપ્રદેશ સરકારને ફટકારી નોટિસ

ઉત્તરપ્રદેશના ઉન્નાવ જિલ્લામાં ગંગાના કાંઠે રેતીમાં દટાયેલા મૃતદેહોની તસવીર સામે આવી છે. આ તસવીરો જિલ્લાના શુક્લાગંજ હાજીપુરના રૌતાપુર ગંગા ઘાટની છે. એક વીડિયો સોશિયલ મીડિયા પર વાઇરલ થયો છે. એમાં કબરો ઉપર રંગીન કાપડ અને માળા-ફૂલો જોવા મળે છે. કેટલીક કબરોમાંથી રેતી દૂર થવાને કારણે સડેલા મૃતદેહો નજરે પડી રહ્યા છે. ઉત્તરપ્રદેશ અને બિહારમાં ગંગામાં તરતા મૃતદેહો મળતાં અને કેન્દ્ર તરફથી મળેલા પત્ર બાદ પશ્ચિમ બંગાળમાં ઘણી જગ્યાએ ગંગાના કિનારે દેખરેખ વધારી દેવામાં આવી છે. રાજ્ય વહીવટીતંત્રે નિર્દેશ આપ્યો છે કે બહાર આવતા મૃતદેહોને દૂર કરવા અને રીતિ-રિવાજો અને પ્રોટોકોલ સાથે અંતિમસંસ્કાર કરવા જોઈએ. ઝારખંડના રાજમહેલમાંથી ગંગા બંગાળના માનિકચક બ્લોકમાં પ્રવેશ કરે છે. અહીંની નદીનો પટ ખૂબ જ પહોળો છે, તેથી દેખરેખ કરવા માટે વિસ્તારમાં નૌકાઓ લગાવવામાં આવી રહી છે.એમ કહેવામાં આવે છે કે એનએચઆરસીએ કેન્દ્ર, બિહાર અને ઉત્તરપ્રદેશની સરકારો પાસેથી ચાર અઠવાડિયાંમાં જવાબ માગ્યા છે. તેમને પૂછવામાં આવ્યું છે કે ગંગામાં મૃતદેહ વહેતા હોવાના કિસ્સામાં તેણે અત્યારસુધીમાં શું પગલા ભર્યા છે એ જણાવો? બીજી તરફ, રાષ્ટ્રીય સ્વચ્છ ગંગા અભિયાન સાથે સંકળાયેલી કેન્દ્રીય સંસ્થા એનએમસીજીએ સંબંધિત રાજ્યોના મુખ્ય સચિવોને પત્ર લખ્યો હતો. એનએમસીજીના ડિરેક્ટર જનરલ રાજીવ રંજન મિશ્રાએ તેમાં લખ્યું છે કે ગંગામાં મૃતદેહો અથવા હાડપિંજર ફેંકી દેવાં એ કોરોના પ્રોટોકોલનું ઉલ્લંઘન છે. આ માત્ર ન તો નદીને જ પ્રદૂષિત બનાવે છે, પરંતુ ગંગાના કાંઠે શહેરોમાં, ગામના લોકોમાં પણ સંક્રમણનું જોખમ વધે છે. આને રોકવા તાત્કાલિક જરૂરી પગલાં ભરવાં જોઈએ.પત્ર બિહાર, ઉત્તરપ્રદેશ, ઉત્તરાખંડ, ઝારખંડ અને પશ્ચિમ બંગાળના મુખ્ય સચિવોને લખવામાં આવ્યો છે. ગંગા આ રાજ્યોમાંથી પસાર થાય છે.તેમની પાસે રખડતા કૂતરા પણ ફરતા જોવા મળ્યા.

ઉન્નાવના જિલ્લા કલેકટર રવીન્દ્ર કુમારે કહ્યું હતું કે અમે અમારી ટીમને ઘટનાસ્થળે મોકલી છે. નદીથી દૂર રેતીમાં કબરો મળી આવી છે. અન્ય વિસ્તારોમાં પણ મૃતદેહોની શોધ કરવામાં આવી રહી છે. મેં તપાસ માટે કહ્યું છે. આગળની કાર્યવાહી કરવામાં આવશે. અન્ય એક અધિકારીએ કહ્યું, “જો આપણે આ મૃતદેહોને કબરમાંથી કાઢીશું તો કાયદો અને વ્યવસ્થાની સમસ્યા ઊભી થશે.” અમે જોઈશું કે વધુ સારું શું કરી શકાય. અટકાવવા છતાં પણ એક મહિનામાં ગંગાના કાંઠે 400 જેટલા મૃતદેહોને દફનાવવામાં આવ્યા છે.

Latest Posts

Don't Miss

Stay in touch

To be updated with all the latest news, offers and special announcements.

%d bloggers like this: