23 C
Ahmedabad
Wednesday, December 1, 2021
spot_imgspot_img

Latest Posts

મોદી આજે ગુજરાતની ઇન્વેસ્ટર સમિટને કરશે સંબોધન

  • મોદી આજે ગુજરાતની ઇન્વેસ્ટર સમિટને કરશે સંબોધન
  • આજે સવારે 11 વાગ્યે વીડિયો કોન્ફરન્સિંગ દ્વારા કરશે સંબોધન
  • સરકારે વાહનોની સ્ક્રેપ પોલિસી અંગે મહત્વની સમિટનું આયોજન કર્યું
  • વીડિયો કોન્ફરન્સિંગ દ્વારા વડાપ્રધાન મોદી કરશે સંબોધન

કોમર્શિયલ વાહનોના ઉપયોગને લઇ સરકારે વાહનોની સ્ક્રેપ પોલિસી અંગે મહત્વની સમિટનું આયોજન કર્યું છે, જેને લઇ વડાપ્રધાન મોદી આજે સવારે 11 વાગ્યે વીડિયો કોન્ફરન્સિંગ દ્વારા સંબોધન કરશે . સમિટનો એજન્ડા વાહન સ્ક્રેપિંગનો મુદ્દો હશે, ઇન્ફ્રાસ્ટ્રક્ચર ઉભું કરીને રોકાણકારોને આમંત્રિત કરવાનો પ્રયાસ કરવામાં આવશે જેથી પ્રદૂષણ અને લોકો પરનો બોજ પણ ઓછો થાય. કેન્દ્રીય માર્ગ પરિવહન મંત્રાલય અને ગુજરાત સરકાર દ્વારા આ સમ્મેલનનું આયોજન કરવામાં આવી રહ્યું છે. જેમાં રોકાણકારો, ઉદ્યોગ નિષ્ણાતો, કેન્દ્ર અને રાજ્ય સરકારોના સંબંધિત મંત્રાલયો સામેલ થશે. સરકારે સંસદમાં સ્ક્રેપ પોલિસીની જાહેરાત પહેલા જ કરી દીધી છે અને વર્તમાન સમિટ તે દિશામાં પહેલું પગલું માનવામાં આવે છે.

સ્ક્રેપ પોલિસી શું છે …? અને સ્ક્રેપ પોલિસીનો શું ફાયદો છે…?
15 અને 20 વર્ષ જૂનાં વાહનો સ્ક્રેપ એટલે કે ભંગાર કરવામાં આવશે. વ્યાપારી વાહનો માટે 15 વર્ષ અને ખાનગી વાહનો માટે 20 વર્ષનો સમય નક્કી કરાયો છે. નિર્ધારિત સમય બાદ વાહનોને ઓટોમેટેડ ફિટનેસ સેન્ટર પર લઈ જવું પડશે. ખાનગી કંપનીઓ ઓટોમેટેડ ફિટનેસ સેન્ટરનું સંચાલન કરશે અને આ રોકાણકારોને આકર્ષવા પણ આ સમિટનો મોટો એજન્ડા છે. આ સાથે જ વાહન માલિકોને ઓછું આર્થિક નુકસાન થશે, આ સાથે, માર્ગ અકસ્માતો ઓછા થશે અને જીવન સલામત બનશે. નવા વાહનોમાં વધુ સુરક્ષા ધોરણોનું પાલન કરવામાં આવશે. જૂના વાહનોના સ્ક્રેપથી પ્રદૂષણ ઘટશે. બજેટમાં પણ નાણામંત્રીએ નવી સ્ક્રેપ પોલિસીનો ઉલ્લેખ કર્યો છે, વાયુ પ્રદૂષણ ઘટાડવા માટે સરકારે આગામી 5 વર્ષમાં 2 હજાર કરોડ ખર્ચવાનો લક્ષ્યાંક રાખ્યો છે.

Latest Posts

Don't Miss

Stay in touch

To be updated with all the latest news, offers and special announcements.

%d bloggers like this: