23 C
Ahmedabad
Tuesday, November 30, 2021
spot_imgspot_img

Latest Posts

ઈસરો બનાવવા જઈ રહ્યો છે નવો રેકોર્ડ

  • ઈસરો બનાવવા જઈ રહ્યો છે નવો રેકોર્ડ
  • EOS-03 સેટેલાઇટ લોન્ચિંગનું કાઉન્ટડાઉન શરૂ
  • લોન્ચિંગનો આધાર હવામાનની સ્થિતિ પર
  • ફેબ્રુઆરીમાં થયું હતું વર્ષનું પ્રથમ મિશન
  • પૂર અને વાવાઝોડા જેવાં કુદરતી સંકટો પર રાખી શકાશે નજર
  • EOS-03ને GSLV-F10ની મદદથી ધરતીની કક્ષામાં કરાશે સ્થાપિત

ઈસરો ગુરુવારે નવો રેકોર્ડ રચવા જઈ રહ્યું છે. ભારત 75મા સ્વતંત્ર દિવસના ત્રણ દિવસ પહેલાં અંતરિક્ષમાં એક મોટી છલાંગ લગાવવા જઈ રહ્યું છે. એના માધ્યમથી હવે અંતરિક્ષથી પણ દેશ પર નજર રાખી શકાશે. ઈસરો પૃથ્વી પર દેખરેખ રાખનાર ભારતના પ્રથમ સેટેલાઈટ EOS-03નું લોન્ચિંગ કરવાનું છે.આ માટેનું કાઉન્ટડાઉન શરૂ થઈ ગયું છે.એ સફળ થયા પછી ભારતની તાકાતમાં વધારો થશે.આ સેટેલાઈટ ભારતમાં આવનારાં વાવાઝોડા અને પૂર જેવાં સંકટ પર દેખરેખ રાખવા સક્ષમ હશે.

ઈસરોએ ટ્વીટ કરીને એનું કાઉન્ટડાઉન થઈ ગયું હોવા અંગેની માહિતી આપી છે.એમાં કહેવામાં આવ્યું છે કે જિયોસિંક્રોનસ સેટેલાઈટ લોન્ચ વ્હીકલ-એફ 10 EOS-03ના લોન્ચિંગનું કાઉન્ટડાઉન આજે સતીશ ધવન અંતરિક્ષ કેન્દ્ર(SDSC)શાર, શ્રીહરિકોટા ખાતે શરૂ થયું છે.જોકે તેના લોન્ચિંગનો આધાર હવામાનની સ્થિતિ પર નિર્ભર રહેશે.EOS-03 ખૂબ જ આધુનિક સેટેલાઈટ છે, જેને GSLV-F10ની મદદથી પૃથ્વીની કક્ષામાં સ્થાપિત કરવામાં આવશે.જો આ ટેસ્ટિંગ સફળ થાય છે તો ભારતની તાકાતમાં વધુ વધારો થશે અને હવામાન અંગેની હલચલને સમજવામાં સરળતા રહેશે.પ્રાપ્ત માહિતી મુજબ, GSLV ઉડાન સેટેલાઈટને 4 મીટર વ્યાસ-ઓગિવ આકારના પેલોડ ફેયરિંગમાં લઈ જશે, જેને રોકેટ પર પ્રથમ વખત ઉડાવવામાં આવી રહ્યું છે, જેણે અત્યારસુધીમાં અંતરિક્ષમાં સેટેલાઈટ અને પાર્ટનર મિશનોને તહેનાત કરનારાં 13 અન્ય ઉડાનોને સંચાલિત કર્યાં છે.એ માટે એમ કહેવાઈ રહ્યું છે કે EOS-03 સેટેલાઈટ એક જ દિવસમાં સમગ્ર દેશની ચારથી પાંચ વખત તસવીર લેશે, જે હવામાન અને પર્યાવરણ પરિવર્તન અંગેના મુખ્ય ડેટા મોકલાવશે.EOS-03 સેટેલાઈટ ભારતીમાં પૂર અને વાવાઝોડા જેવી કુદરતી આફતોની લગભગ રિયલ ટાઈમ દેખરેખ રાખવા સક્ષમ હશે, કારણ કે એ મહત્ત્વના પર્યાવરણીય અને મૌસમ પરિવર્તનોમાંથી પસાર થાય છે.આ પહેલાં 28 ફેબ્રુઆરીએ ઈસરોએ વર્ષના પ્રથમ મિશનને સફળતાપૂર્વક પાર પાડ્યું હતું. ભારતનું રોકેટ 28 ફેબ્રુઆરીએ શ્રીહરિકોટા અંતરિક્ષ કેન્દ્રમાંથી પ્રથમ વખત બ્રાઝિલનો સેટેલાઈટ લઈને અંતરિક્ષમાં રવાના થયું હતું. બ્રાઝિલના અમેઝોનિયા-1 અને 18 અન્ય સેટેલાઈટોને લઈને ભારતના પીએસએલવી સી-51એ શ્રીહરિકોટા અંતરિક્ષ કેન્દ્રમાંથી ઉડાન ભરી હતી.

Latest Posts

Don't Miss

Stay in touch

To be updated with all the latest news, offers and special announcements.

%d bloggers like this: