- 2 મહિનાથી બંધ ગુજરાતનું સાપુતારા હિલસ્ટેશન ફરી ખુલ્લું મુકાયું
- સરકારી ગાઇડલાઇન અનુસાર સાપુતારા પ્રવાસનને ખુલ્લા મુકવામાં આવ્યું
- એડવેન્ચર પાર્ક એક્ટિવીટી સહિત નૌકાવિહાર કરાયા ચાલુ
- પ્રવાસીઓમાં જોવા મળ્યો ખુશીનો માહોલ
કોરોના મહામારી દરમિયાન સમગ્ર દેશમાં લૉકડાઉન જાહેર કરવામાં આવ્યું હતું. માર્ચ મહિનામાં એકાએક કોરોના પિક પર પહોંચી જવાને કારણે ગુજરાતના છેવાડે આવેલ સાપુતારા હિલસ્ટેશનમાં પણ કોરોનાના કેસનો કહેર વધતા માર્ચ મહિનામાં બંધ કરાયું હતું. સાપુતારા ખાતે લારી ગલ્લા, ઢાબાઓ, શોપિંગ સેન્ટરો દ્વારા સ્વયંભૂ લોકડાઉન કરાયું હતું. જિલ્લામાં સંક્રમણ ન વકરે તે માટે સ્થાનિક વેપારીઓએ આ નિર્ણય લેવાયો હતો. પરંતુ કોરોનાના કેસોમાં ઘટાડો થતાં 2 મહિના બાદ સાપુતારાને સહેલાણીઓ માટે ખુલ્લું મુકાયું છે . શનિ રવિની રજાઓમાં સુરતી પ્રવાસીઓ સાપુતારા ખાતે ઉમટી પડતા લાંબા સમયથી પડી ભાંગેલ હોટેલ ઉદ્યોગ સહિત એડવેન્ચર એક્ટિવિટી અને હોટલ બિઝનેસમાં પણ તેજીનો ધમધમાટ શરૂ થયો છે. જેથી સ્થાનિક ધંધાર્થીઓએ હાશકારો અનુભવ્યો છે.
