નેચરલ ગેસમાં બમણા કરતા વધારે ભાવના ઉછાળા ને કારણે અદાણી CNG અને કોમર્શિયલ LPG સિલિન્ડરની કિંમતમાં વધારો થયો છે. CNG માં પ્રતિ કિલો 5 રૂપિયાનો વધારો થતાં નવો ભાવ 79.59 રૂપિયા થયો છે. તો કોમર્શિયલ LPG 250 રૂપિયાના વધારા સાથે 2253 ને પાર પહોંચી ગયો છે.
અદાણી ગેસનો વિવિધ શહેરમાં સીએનજીનો ભાવ
* વડોદરા: 76.84 પ્રતિ કિલોગ્રામ
* પોરબંદર: 82.59 પ્રતિ કિલોગ્રામ
* ખેડા: 80.59 પ્રતિ કિલોગ્રામ
* સુરેન્દ્રનગર: 80.59 પ્રતિ કિલોગ્રામ
* અમદાવાદ: 79.59 પ્રતિ કિલોગ્રામ
* નવસારી: 80.59 પ્રતિ કિલોગ્રામ
લાંબા સમયના વિરામ બાદ યુપી ઇલેક્શન પૂર્ણ થયા બાદ પેટ્રોલ-ડીઝલ અને એલપીજી ગ્રાહકોને મોંઘવારીનો માર પડવાનું શરૂ થઇ ગયું હતું. નિષ્ણાતો ના કહેવા અનુસાર હજી પણ પેટ્રોલ ડિઝલ ના ભાવ રૂ.20 સુધી વધી શકે છે, તે પહેલા જ સીએનજીના ભાવ વધવાની શરૂઆત થઈ ગઈ છે. દેશમાં પાંચ રાજ્યોમાં થયેલા વિધાનસભા ચૂંટણી પૂરી થઈ ગઈ છે. ત્યારે ચૂંટણીના પરિણામ બાદ તેની અસર ભાવ પર પડવા લાગી છે. કિંમતોમાં વધારો વૈશ્વિક સ્તર પર તેલના વધુ ભાવ બોલાઈ રહ્યાં છે. તો બીજી તરફ, સીએનજીના ભાવ પણ વધી ગયા છે, આવામાં એટલુ તો સ્પષ્ટ છે કે, આગામી દિવસોમાં પેટ્રોલ-ડીઝલા ભાવમાં તેજી જોવા મળી શકે છે. નેચરલ ગેસના ભાવ માં બમણા કરતા વધારે ભાવ વધતા ગુજરાતમાં આજથી અદાણીએ સીએનજીમાં નવો ભાવવધારો લાગુ કર્યો છે.
