24 C
Ahmedabad
Tuesday, November 30, 2021
spot_imgspot_img

Latest Posts

કાબુલથી C-17 વિમાન દ્વારા 290 લોકોને ભારત પરત લવાશે

  • કાબુલથી C-17 વિમાન દ્વારા 290 લોકોને ભારત પરત લવાશે
  • અફઘાનિસ્તાનના સાંસદ પણ આવી શકે છે ભારત
  • ભારતીયોને પરત લાવવા વિદેશ મંત્રાલય એક્શનમાં
  • 400થી 500 ભારતીય ફસાયેલા હોવાનું અનુમાન 
  • C – 17 વિમાનથી 290 ભારતીયો સાથે 70 અફઘાની નાગરિકો પણ આવી શકે છે ભારત
  • તમામ મિત્ર દેશ સાથે સંપર્કમાં છે ભારત

અફઘાનિસ્તાનમાં ફસાયેલા ભારતીયોને કાઢવા માટે ભારત સરકાર એક્શનમાં છે અને લોકોને પાછા લાવવાનો પ્રયત્ન સતત જારી છે. અફઘાનિસ્તાનથી ભારતીય વાયુસેનાનુ કાબુલથી આવી રહેલુ C-17 વિમાન આજે ગાઝિયાબાદના હિંડન એરબેસમાં લેન્ડ કરી શકે છે. આ વખતે C-17 વિમાનથી અફઘાનિસ્તાનમાં ફસાયેલા 290 લોકોને ભારત લાવવામાં આવી શકે છે. આ 290 લોકોમાં 220 ભારતીય અને 70 અફઘાનિસ્તાનના નાગરિક સામેલ છે.

સૂત્રો અનુસાર જેમાં કેટલાક શીખ પણ સામેલ છે. અફઘાનિસ્તાનના તે શીખ છે, જેમણે ભારત સરકારને ત્યાંથી બહાર નીકાળવાની અપીલ કરી હતી. સૂત્રો અનુસાર ઑપરેશન એરલિફ્ટ ટુમાં આ વખતે કેટલાક અફઘાનિસ્તાનના સાંસદ પણ ભારત આવી શકે છે. આ વિમાન હિંડન એરબેઝ પર ક્યારે ઉતરશે, અત્યારે આને લઈને કોઈ પાક્કી જાણકારી મળી નથી, પરંતુ આ લોકો માટે સવારે 5 બસ હિંડન એરબેઝ પહોંચી ચૂકી છે. અને વિદેશ મંત્રાલયના સૂત્રો અનુસાર અફઘાનિસ્તાનમાં ફસાયેલા ભારતીયોની વતન વાપસીને લઈને વિદેશ મંત્રાલય એક્શનમાં આવી ચૂક્યુ છે. આ માટે અફઘાનિસ્તાનમાં રહેનારા તમામ ભારતીયના ડેટા તૈયાર કરવામાં આવી રહ્યા છે અને હેલ્પલાઈન નંબરથી સતત 24 કલાક વિગતો તૈયાર કરી રહી છે. સાથે જ વિદેશ મંત્રાલયનુ અફઘાન સેલ 24 કલાક સક્રિય છે અને ફોન તેમજ ઈમેલ દ્વારા સંપર્ક કરી શકાય છે. અફઘાન સેલ 16 ઓગસ્ટથી કામ કરી રહ્યુ છે અને વિઝા માટે ઑનલાઈન અરજી સ્વીકાર કરવામાં આવી રહી છે. કાબુલ સ્થિત ભારતીય દૂતાવાસમાંથી તમામ ભારતીય કર્મચારી પાછા આવી ચૂક્યા છે અને દૂતાવાસમાં અત્યારે 35-40 સ્થાનિક લોકોનો સ્ટાફ હાજર છે. જોકે અફઘાનિસ્તાનમાં કુલ કેટલા ભારતીય છે, આનો આંકડો નથી પરંતુ 400થી 500 ભારતીય હોવાનુ અનુમાન છે. અને એરપોર્ટ પહોંચેલા તમામ ભારતીય માટે વાયુસેનાનુ અભિયાન ચાલુ છે. અફઘાનિસ્તાનમાં ફસાયેલા તમામ ભારતીયોના સંપર્ક કરવામાં આવી રહ્યા છે અને દૂરના વિસ્તારોમાં ફસાયેલા લોકોને મુશ્કેલી પડી રહી છે. અફઘાનિસ્તાનના પાડોશી દેશોમાંથી પણ વિમાનોનુ આયોજન થઈ રહ્યુ છે અને ભારત આ ઑપરેશનને સફળ બનાવવા માટે તમામ મિત્ર દેશો સાથે સતત સંપર્કમાં છે.

Latest Posts

Don't Miss

Stay in touch

To be updated with all the latest news, offers and special announcements.

%d bloggers like this: